QUEN SOMOS

A ASOCIACIÓN PÚRPURA TEMOS COMO OBXECTIVOS:

a.- A defensa das liberdades, os dereitos e os intereses das mulleres en tódolos ámbitos – social, cultural, laboral, familiar e político-, así como a súa integración na sociedade en igualdade de condicións , e o fomento da súa participación en tódolos sectores da vida pública. 

b.- Denuncia de todo tipo de discriminación –laboral, social, educativa- cara á muller polo simple feito de ser muller. Así como apoio e axuda ás mulleres que sofren este tipo de situacións. 

c.- Impulsar a conciliación e o reparto equitativo das responsabilidades familiares para compartir o traballo e compartir o poder.

d.- Activar o papel da muller na sociedade a través da cultura, educación, deporte e formación. 

e.- Defensa e apoio ás mulleres vítimas de violencia de xénero e aos seus fillos e fillas. 

f.- Promover solidariedade e encontro entre diferentes asociacións.

 

 

MANIFESTO DA ASOCIACIÓN PÚRPURA

           Aínda que se deron importantes avances formais, na realidade cotiá as mulleres continuamos sufrindo múltiples discriminacións e vulneracións dos Dereitos Humanos. Condenar e revocar estas inxustizss foron desde sempre o obxectivo do movemento feminista.

           O movemento feminista é a suma dos esforzos de moitas mulleres, encaixados baixo unha loita conxunta e global, porque a pesar das diferenzas de contextos, todas nos enfrontamoso a orde patriarcal e as súas diferentes expresións.

Enfrontanda toda forma de discriminación, o feminismo propugna un cambio nas relacións de poder na sociedade, eliminando a xerarquía e as desigualdades entre sexos, abogando por unha vida plena e libre para todas y todos.

Hoxe non podemos imaxinar unha sociedade na que non se recoñeza a cidadanía plena das mulleres e, en consecuencia, a súa participación igualitaria na esfera pública, política ou económica, así como un cambio trascendental no ámbito da vida privada, en plena corresponsabilidade cós homes.

A pesares disto, aínda existen grandes niveis de tolerancia á desigualdade e fortes correntes de resistencia aos avances en dereitos e liberdades das mulleres. A maior presenza das mulleres no eido público, na toma de decisións e no emprego, conviven con fenómenos como o desequilibrio no reparto de responsabilidades familiares, a violencia de xénero, a desigualdade salarial ou a especial vulnerabilidade na que se encontran moitas mulleres.

Por todo isto, desde a Asociación Púrpura reivindicamos:

·       Mundo laboral: superar o “teito de cristal” que nos impide acceder aos postos de responsabilidade e o sistema obríganos a conciliar a vida familiar e laboral mediante traballos precarios a tempo parcial incompatibles coa independencia económica e a autonomía das mulleres. 

·         Educación: Garantir a participación en igualdade das mulleres e dos homes en todo o sistema educativo e formar ás alumnas e alumnos en actitudes e valores que lles axuden a compartir a vida desde o respecto, a igualdade, a autonomía, a corresponsabilidade e o recoñecemento mutuo. Na universidade tamén é preciso eliminar a segregación vertical (poucas mulleres nos postos de maior responsabilidade) e horizontal (poucas mulleres ou poucos homes en determinadas especialidades).

·       Estereotipos: superación dos modelos sociais tradicionais e dos roles asignados ás persoas en función do seu sexo e a formación dunha cidadanía libre, autónoma, solidaria e responsable.

·        Violencia género: expresión da relación de desigualdade entre homes e mulleres que está baseada na suposta superioridade dun sexo sobre o outro. A violencia de xénero é un obstáculo para la igualdade, o desenvolvemento e a paz dos pobos porque impide ás mulleres disfrutar dos dereitos humanos e das liberdades fundamentais propias dunha sociedade na que todas as persoas somos libres e iguais. Denuncia! non sexas cómplice da violencia!

        Corpo: Que se recoñeza o dereito fundamental das mulleres a tomar as súas propias decisións. Que se garanta a soberanía das mulleres sobre o própio corpo e a propia vida. Que se asegure que todo o proceso de información, asesoramento e realización da interrupción do embarazo sexa feita na Sanidade Pública. Que non exista discriminación xeográfica no aceso de todas as mulleres a este dereito nos servizos públicos.

·     Reconocimiento de mujeres con talento: recuperar o protagonismo histórico das mulleres. As mulleres, ademais da súa aportación para soster o fogar como nais e coidadoras, realizaron unha importante labor no desenvolvemento político, científico, social e económico que a historia invisibilizou. Porque as mulleres realizaron unha grande aportación ao mundo traballando en condicións especialmente difíciles.

·        Patriarcado: neutralizar o patriarcado, entendido como o conxunto de estructuras e prácticas que perpetúan as relacións de dominación e poder fundamentadas no binomio home-muller. O patriarcado é toda estructura social na que moi diversos factores entrelázanse e reforzan mutuamente para facer posibles as actitudes e conductas machistas.

·          Corresponsabilidade: que significa que tanto mulleres como homes se responsabilizan dos ámbitos público e privado, e que hace fincapié na participación dos homes no espazo privado; invitando aos homes para que redefinan o seu propio rol na sociedade, e especialmente no ámbito doméstico.

         Porque a igualdade constrúese na escola e na universidade, nas familias, no emprego, nas empresas, nas organizacións políticas e sociais, nas organizacións de mulleres; constrúese coa xente, coas mulleres e os homes que anhelan unha sociedade máis xusta, libre e solidaria.

Asociación Púrpura